Mar­grét Anna Ein­ars­dótt­ir, fram­kvæmda­stjóri og stofn­andi hug­búnaðarfyr­ir­tæk­is­ins Justikal, og Katrín Jak­obs­dótt­ir for­sæt­is­ráðherra eru á listaNBC yfir 23 áhrifa­mestu kven­frum­kvöðlana í stjórn­mál­um og viðskipt­um á heimsvísu. 

Katrín Jakobsdóttir og Margrét á frumkvöðlalista NBC

Katrín og Margrét á frumkvöðlalista NBC

Mar­grét Anna Ein­ars­dótt­ir, fram­kvæmda­stjóri og stofn­andi hug­búnaðarfyr­ir­tæk­is­ins Justikal, og Katrín Jak­obs­dótt­ir for­sæt­is­ráðherra eru á lista NBC yfir 23 áhrifa­mestu kven­frum­kvöðlana í stjórn­mál­um og viðskipt­um á heimsvísu.

"Mar­grét Anna Ein­ars­dótt­ir, fram­kvæmda­stjóri og stofn­andi Justikal, og Katrín Jak­obs­dótt­ir for­sæt­is­ráðherra eru á lista NBC yfir 23 áhrifa­mestu kven­frum­kvöðlana í stjórn­mál­um og viðskipt­um á heimsvísu. 

Í grein­inni, þar sem list­inn er kynnt­ur, seg­ir að Ísland sé dæmi um land þar sem kon­ur séu leiðandi á ýms­um sviðum, allt frá stjórn­sýslu yfir í heim viðskipta, tækni, miðlun­ar og jafn­vel óhagnaðardrif­inna sam­taka.

Katrínu Jak­obs­dótt­ur for­sæt­is­ráðherra þarf vart að kynna.

Í grein­inni seg­ir að Katrín hafi stigið stórt skref í bar­átt­unni fyr­ir kven­rétt­ind­um með því að beita sér fyr­ir því að kon­ur og karl­ar nýti sér bæði fæðing­ar­or­lof, enda sé með því komið í veg fyr­ir mis­mun­un á grund­velli kyns þegar kem­ur að ráðning­um. 

Mar­grét hef­ur verið tölu­vert í sviðsljós­inu í tækni­heim­in­um und­an­farna mánuði vegna fyr­ir­tæk­is­ins Justikal, sem hún er einn stofn­enda að.

Fyr­ir­tækið fram­leiðir hug­búnaðarlausn sem ger­ir lög­mönn­um og málsaðilum kleift að senda gögn ra­f­rænt til dóm­stóla og fylgj­ast með fram­vindu mála sinna ra­f­rænt." 

Justikal er stafrænt réttarkerfi sem gerir aðilum í dómsmálum kleift að meðhöndla gögn á öruggan og rekjanlegan hátt.

Justikal hlaut nýlega vottanir vegna staðlanna ISO/IEC 27001:2022 og ISO/IEC 27701:2019, en úttektaraðilinn var DNV. Þessi árangur undirstrikar áherslur fyrirtækisins á upplýsingaöryggi og persónuvernd.

Justikal hlýtur ISO/IEC 27001 og ISO/IEC 27701 vottanir

ISO/IEC 27001:2022 er alþjóðlegur viðurkenndur staðall fyrir stjórnunarkerfi um upplýsingaöryggi (e. information security management systems (ISMS)). Vottunin staðfestir að Justikal hefur innleitt yfirgripsmikið öryggiskerfi og vel skilgreinda ferla sem tryggja trúnað, heilleika og aðgengi að þeim upplýsingum sem fyrirtækið meðhöndlar. Með innleiðingu staðalsins sýnir fyrirtækið í verki ásetning sinn um að vernda upplýsingar viðskiptavina sinna gagnvart hvers kyns öryggisógnum.

Auk vottunar vegna ISO/IEC 27001:2022, hefur Justikal einnig hlotið vottun vegna ISO/IEC 27701:2019.  En hún felst í því að útvíkka stjórnunar um upplýsingaröryggi með stjórunarkerfi um persónuvernd (e. privacy information management system (PIMS)).  Með því er náð til þeirrar áhættu sem snýr að persónugreinanlegum upplýsingum og styður hlítingu við lög nr. 90/2018 og almennu persónuverndarreglugerðina (e. GDPR).

Yfirlýsing frá framkvæmdastjóra Justikal

"Við erum gríðarlega ánægð og stolt af því að hafa hlotið bæði ISO/IEC 27001:2022 og ISO/IEC 27701:2019 vottanirnar frá DNV. Þessar vottanir endurspegla óbilandi skuldbindingu okkar til að mæta ströngustu kröfum er varða upplýsingaöryggi og persónuvernd.  Viðskiptavinir okkar treysta okkur fyrir viðkvæmum gögnum og þessar vottanir sýna þeim ásetning okkar að viðhalda öryggi og hlítingu á hæsta stigi."

                                                  - Margrét Anna Einarsdóttir, stofnandi og framkvæmdastjóri Justikal.

Yfirlýsing frá upplýsingaöryggisfulltrúa Justikal

"Það er alltaf ánægjulegt þegar krefjandi verkefni lýkur með þeirri niðurstöðu sem stefnt var að í upphafi. Verkefnið var að þróa og smíða sameiginlegt stjórnunarkerfi sem uppfyllti ítrustu kröfur ISO/IEC 27001:2022 og ISO/IEC 27701:2019.  Ekki einfaldasta verkefnið, en okkur tókst það án athugasemda og það í fyrstu tilraun. Það er eitthvað sem við getum verið stolt af."

                                                 - Marinó G. Njálsson.

DNV er alþjóðlegt gæða- og vottunarfyrirtæki með langa sögu eða allt til ársins 1864. Fyrirtækið er leiðandi vottunaraðili sem hjálpar viðskiptavinum sínum að hámarka árangur sinn með vottunum, sannprófunum, stöðumötum og þjálfun.

"Justikal er með vel skilgreinda ferla vegna stjórnunar upplýsingaöryggis og verndar persónuupplýsinga, þrátt fyrir að fyrirtækið sé lítið. Skilningur á mikilvægi þessara þátta er mjög skýr innan fyrirtækisins. Ekki komu fram nein frávik við úttektina. Stjórnunarkerfið er talið skilvirkt og í samræmi við staðlana."


Alþingi hefur samþykkt frumvarp Guðrúnar Hafsteinsdóttur, dómsmálaráðherra, um ýmsar breytingar á lögum um meðferð dómsmála, sem miða að því að skapa forsendur til að nýta tæknilausnir í ríkari mæli.

Stórt framfaraskref í réttarvörslukerfinu: Pappírinn út frá og með 1. júlí 2024!

Pappírinn óþarfur í dómsmálum frá og með 1 júlí 2024

Stóra breytingin fyrir notendur Justikal er sú að frá og með 1. júlí næstkomandi geta notendur okkar stofnað mál og sent öll gögn stafrænt án þess að þurfa að skila pappírseintaki líka, sem hefur verið ákveðinn tvíverknaður þar til nú. Fyrir breytingarnar á lögum um meðferð einkamála var heimilt að senda gögn til dómstóla með stafrænum hætti svo lengi sem pappírseintakið fylgdi í kjölfarið.

Justikal rafrænt innsiglar öll skjöl sem send eru til dómstóla. Innsiglin innihalda fullgildan tímastimpil sem staðfestir tíma sendingar. Að auki sannreynir lausnin öll rafrænt undirrituð og innsigluð skjöl með eIDAS-vottaðri staðfestingarþjónustu, sem er mikilvægt til sannreyna gildi rafrænna undirskrifta og rafrænna innsigla í samræmi við lög nr. 55/2019. Niðurstöðurnar hafa tryggð réttaráhrif fyrir dómstólum.

Auk þess var lögum um gjaldþrotaskipti breytt, sem gerir það að verkum að heimilt er að senda kröfulýsingar í þrotabú með stafrænum hætti frá og með 1. júlí nk.

Umræddar breytingar gera notendum kleift að vinna hraðar, vera umhverfisvænni og bjóða viðskiptavinum sínum betri þjónustu. Í fréttatilkynningu á vef stjórnarráðsins um málið kemur m.a. fram að markmið lagabreytinganna sé að gera réttarvörslukerfið einfaldara, notendavænna og að málsmeðferð verði greiðari, án þess að gæðum og réttaröryggi verði fórnað. Jafnframt er talað um að breytingarnar hafi jákvæð umhverfisáhrif, svo sem með því að skapa forsendur fyrir að draga úr ferðalögum og notkun pappírs. Þetta rímar ákaflega vel við yfirlýst markmið og gildi okkar hjá Justikal.

Skráðu þig frítt inn í Justikal með því að smella hér. Ekkert fast mánaðargjald.

Innheimtufyrirtækið Gjaldskil hefur innleitt stafrænar stefnubirtingar Justikal. Justikal setti nýlega á markað nýja lausn sem gerir aðilum kleift að birta stefnur og önnur gögn á öruggan hátt með rafrænum hætti. En markmið félagsins er að gera alla málsmeðferð fyrir dómstólum hraðari, þægilegri og öruggari.

Gjaldskil innleiðir stafrænar stefnubirtingar Justikal

Innheimtufyrirtækið Gjaldskil hefur innleitt stafrænar stefnubirtingar frá Justikal. Justikal setti nýlega á markað nýja lausn sem gerir aðilum kleift að birta stefnur og önnur gögn á öruggan hátt með rafrænum hætti. En markmið félagsins er að gera alla málsmeðferð fyrir dómstólum hraðari, þægilegri og öruggari.

“Við viljum gera notendum kleift að vinna með nútímalegri vinnubrögðum en áður og liður í þeirri vegferð er að geta birt stefnur með rafrænum hætti. Markmið okkar og Gjaldskila fara ákaflega vel saman en bæði félögin vilja fara umhverfisvænni og skilvirkari leiðir og okkur hlakkar til að sjá samstarfið blómstra.” Segir Margrét Anna Einarsdóttir, stofnandi og framkvæmdastjóri Justikal.

Gjaldskil býður upp á heildstæðar lausnir við innheimtu krafna allt frá fruminnheimtu til löginnheimtu. Félagið hefur sérhæft sig í rafrænum lausnum í kröfustýringu og innheimtu en stórt skref var tekið á dögunum með innleiðingu á stafrænum stefnubirtingum og öruggum gagnasendingum með Justikal kerfinu.

Stefna Gjaldskila Debitum er að vera fremstir innheimtuaðila í rafrænum og skilvirkum lausnum. Félagið var fyrst til að innleiða að fullu rafrænt innheimtuferli og er rafræn birting á greiðsluáskorunum og stefnum í samstarfi við Justikal liður í þeirri vegferð. ,,Með þessu viljum við tryggja að birtingar berist hratt og örugglega til réttra aðila, ásamt því að lækka kostnað greiðenda” er haft eftir Dagbjörtu Hauksdóttur forstöðumanni löginnheimtu Gjaldskila ehf.

Katrín Jakobsdóttir og Margrét á frumkvöðlalista NBC

Nýjar fréttir